Канцэптуальная мапа беларускага маўленчага этыкету

Abstrakt

У гэтым артыкуле разглядаюцца прагматыка і семантыка маўленчых актаў вітання, развітання, падзякі, прабачэння, зычэння, просьбы, ветлых зваротаў і віншавання, пададзеныя ў выглядзе ментальнай мапы (інтэлект-мапы ці карты розуму), што лічыцца відам канцэптуальнай мапы ці павучынай дыяграмы. Падобная ідэя візуалізацыі інфармацыі сустракалася яшчэ ў антычнасці, хоць выкарыстанне яе ў навучальным працэсе ўпершыню зафіксаванае ў 1970-я гады як “ідэя выбуху сонца”, а таксама “радыяльнае дрэва” Тоні Бьюзэна ці “інтэлектуальная мапа” (1974 г.). Тады ж было выказанае і меркаванне, што такое адлюстраванне матэрыялу падвышае эфектыўнасць навучання да 15 %.