Праца з лексікай: адбор, спосабы ўвядзення і семантызацыі (пры навучанні беларускай мове як замежнай)

Abstrakt

Пры навучанні мове як замежнай вялікая ўвага надаецца лексіцы, паколькі лексіка з’яўляецца асноўным сродкам моўных зносін. Вывучаючы тую ці іншую замежную мову, навучэнец фарміруе ў сваёй свядомасці новую моўную карціну свету (у першую чаргу праз засваенне лексікі гэтай мовы). Праца з лексікай павінна быць прадуманай і сістэматызаванай. Гэта не механічнае ўвядзенне новых слоў і іх засваенне, а спасціжэнне сэнсавых, граматычных, фанетычных і асацыятыўных сувязяў, паколькі ў мове ўзаемазвязаныя ўсе яе складнікі: фанетыка, лексіка, граматыка і інш. У артыкуле вылучаныя асноўныя этапы працы з лексікай (адбор і спосабы сістэматызацыі), акрэсленыя некаторыя крытэрыі адбору лексічных адзінак, адзначаныя асноўныя спосабы семантызацыі (дэманстрацыя прадмета, малюнка, фотаздымка, слайда, фільма; разгорнутае апісанне; тлумачэнне слоў паводле слоўніка; семантызацыя праз сінонімы і антонімы).